គ្រាប់យុទ្ធភណ្ឌមិនទាន់ផ្ទុះចំនួន១៤គ្រាប់ ត្រូវបានពលរដ្ឋ ភ្ជួរដីស្រែប្រទះឃើញ
).jpg)
សៀមរាប៖ នាព្រឹកថ្ងៃទី២០ ខែកក្កដា ឆ្នាំ២០១៦ ប្រជាពលរដ្ឋ ភ្ជួរដីស្រែ បានប្រទះឃើញ គ្រាប់យុទ្ធភណ្ឌមិនទាន់ផ្ទុះចំនួន១៤គ្រាប់ ក្រោយបន្ទាយចាស់រថក្រោះភូមិភាគ៤ចាស់ ស្ថិតនៅក្នុងភូមិខ្វៀន សង្កាត់គោកចក សៀមរាប ក៏បានរាយការណ៍ជូនសមត្ថកិច្ចជំនាញចាត់ការបន្ត។
លោកវរសេនីយ៍ឯក ឆេត ញ៉ានាយការិយាល័យនគរបាលគ្រប់គ្រងអាវុធជាតិផ្ទុះ ជាតំណាងលោកវរសេនីយ៍ឯក សំ សុជាតិ ស្នងការរង ជាប្រធានការិយាល័យ កណ្ដាល អាវុធជាតិផ្ទុះនិងអគ្គីភ័យនៃស្នងការដ្ឋាននគរបាលខេត្តសៀមរាប បានដឹកនាំកម្លាំងចុះទៅដល់កន្លែងកើតហេតុដើម្បីប្រមូលគ្រប់ទាំងនោះទុកកន្លែងមានសុវត្ថិភាព។
លោកវរសេនីយ៍ឯក ឆេត ញ៉ា បានឲ្យដឹងថា គ្រប់យុទ្ធភ ណ្ឌដែលប្រជាពលរដ្ឋប្រទះឃើញនាពេលនេះ ជាប្រភេទក្បាលគ្រប់ ៨៥មីលីម៉ែត្រ ដែលខូចគុណភាព។ បច្ចុប្បន្ននេះ ត្រូវបានលោកធ្វើការទំនាក់ទំនងទៅកម្លាំងអង្គការស៊ីម៉ាក់ មកទទួលយកទៅរក្សាទុកកន្លែងមានសុវត្ថិភាព រងចាំធ្វើការកំទេចចោល។
ក្នុងនាមកងកម្លាំងនគរបាលខេត្តសៀមរាប សូមធ្វើការអំពាវនាវដល់បងប្អូនប្រជាពលរដ្ឋទាំងអស់នៅពេលដែលបានប្រទះឃើញគ្រាប់យុទ្ធគ្រប់ប្រភេទសូមធ្វើការ រាយការជូនអាជ្ញាធរមូលដ្ឋាន ឫកម្លាំងនគរបាលជំនាញ ដើម្បីឲ្យកម្លាំងសមត្ថកិច្ចយើងចុះទៅត្រួតពិនិត្យ និងយកមករក្សាទុកកន្លែងដែលមានសុវត្ថិភាពដូចករណីខាងលើនេះជាដើម។ ម្យ៉ាងវិញទៀតដើម្បីជៀសវាងបង្កគ្រោះថ្នាក់ដល់បងប្អូនប្រជាពលរដ្ឋ ដែលអាចបណ្ដាលឲ្យពិការភាពអស់មួយជីវិតបាត់បង់ជីវិតទៀតផង៕
![]()
![]()
![]()
![]()
![]()