កម្លាំងចម្រុះ ដុតកម្ទេចចោលឧបរករណ៍នេសាទល្មើសច្បាប់ជាច្រើនប្រភេទ
).jpg)
សៀមរាប ៖ នាថ្ងៃទី១៩ ខែកក្កដា ឆ្នាំ២០១៦ ក្រុមការងារចម្រុះ បានធ្វើការ ពិធីដុតកំទេច ចោល ឧបករណ៍នេសាទខុសច្បាប់ ដែលរឹបអូសបាន ដោយជនមិនស្គាល់អត្តសញ្ញាណ ប្រើប្រាស់ធ្វើការនេសាទដោយខុសច្បាប់ នូវរដូវ ត្រីពង កូន។
ពិធីនេះដុតកម្ទេចឧបករណ៍ល្មើសនេះ មានការចូលរួមពី លោក ចៅសង្កាត់ចុងឃ្នៀស លោកនាយ នាយរងផ្នែកសង្កាត់រដ្ឋបាលជលផល មន្ត្រីនគរបាល ប៉ុស្តិ៍រដ្ឋបាលសង្កាត់ចុងឃ្នៀស លោកប្រធានសហគមន៍ នឹង បងប្អូនប្រជានេសាទ នៃសហគមន៍ នេសាទសង្កាត់ចុងឃ្នៀសក៏ ចូលរួមផងដែរ ។
មន្ដ្រីជលផល បានឲ្យដឹងថា ក្នុងប្រតិបត្តិការដឹកនាំ ចុះបង្ក្រាបនេះ កម្លាំងចម្រុះ បានសហការ គ្នា ធ្វើការចុះល្បាត ដោយជនមិនស្គាល់អត្តសញ្ញាណ ប្រើប្រាស់ធ្វើការនេសាទ ដោយខុសច្បាប់ ក្នុងរដូវ ត្រីពង កូន កាលយប់ថ្ងៃទី១៥ខែកក្កដាឆ្នាំ២០១៦ ចាប់ពីវេលាម៉ោង ៨ និង ០០នាទីយប់ រហូតដល់ម៉ោង០១ និង ០០នាទីយប់ ឆ្លងចូលថ្ងៃទី១៦ ខែកក្កដាឆ្នាំ២០១៦ កន្លងទៅ កម្លាំងយើង បានរឹបអូសឧបករណ៍នេសាទខុសច្បាប់ រួមមាន ៖ ទ្រូ ប្រើស ១០០ ចំនួន ២៦៩គ្រឿង ។
មន្ដ្រីជលផល ដដែលក៏សូមអំពាវនាវដល់ បងប្អូនប្រជានេសាទ មេត្តាកុំនេសាទត្រី នៅក្នុងរដូវត្រីពង និងតំបន់ហាមឃាត់ ហើយសូមចូលរួមទប់ស្កាត់ សកម្មភាពប្រើប្រាស់ ឧបករណ៍នេសាទខុសច្បាប់ ទាំងអស់គ្នា៕
![]()
![]()
![]()
![]()
![]()