ខឹងម្តាយស្តីបន្ទោសបន្តិចបន្តួច យុវតីម្នាក់សម្រេចចិត្ត ចង.ក សម្លាប់ខ្លួន
).jpg)
ប៉ៃលិន ៖ នារីវ័យក្មេងម្នាក់ បានគិតខ្លី ធ្វើអត្តឃាតចង.ក សម្លាប់ខ្លួន ព្រោះតែខឹងនឹងម្តាយស្តីបន្ទោសបន្តិចបន្តួច មិនឲ្យដើរលេងជាមួយមិត្តភ័ក្ដិ។ ហេតុការណ៍ បង្កឲ្យមានការភ្ញាក់ផ្អើល បានកើតឡើងកាលពីវេលាម៉ោង០៦និង០០នាទីព្រឹកថ្ងៃទី១៨ ខែកក្កដា ឆ្នាំ២០១៦ នៅចំណុចខាងក្រោយភ្នំយ៉ាត ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
អ្នកចោមរោមមើលហេតុការណ៍នេះ បាននិយាយថា ក្មេងស្រីដែលគិតខ្លីចង.កសម្លាប់ខ្លួន មាន ឈ្មោះ ម៉ៅ វិជួន ភេទស្រី អាយុ១៧ឆ្នាំ រស់នៅភូមិឃុំកើតហេតុខាងលើ ។
ប្រភពព័ត៌ ដដែល បានឲ្យដឹងថា មុនពេលកើតហេតុ ក្មេងស្រីរងគ្រោះ បានសុំលុយម្តាយដើម្បីទិញម៉ូតូ ហើយត្រូវម្តាយប្រកែក ព្រមទាំងមិនឲ្យក្មេងស្រីរងគ្រោះដើរលេងយប់ជាមួយមិត្តភ័ក្ដិឡើយ ដោយខ្លាចមានគ្រោះថ្នាក់ដោយប្រការណាមួយ និងការប្រព្រឹត្តគ្រឿងញៀន ជាដើម ។
ប្រភព បានបន្តថា បន្ទាប់ពីនោះមក នៅយប់ថ្ងៃទី១៧ ខែកក្កដា ឆ្នាំ២០១៦ ក្មេងស្រីរងគ្រោះ បានទិញសាច់ មាន់អាំងមកញាំនៅក្នុងផ្ទះ ហើយមិនដឹងយ៉ាងម៉េចស្រាប់តែនៅព្រឹកថ្ងៃទី១៨ ខែកក្កដា នេះ ក៏ឃើញក្មេងស្រីរងគ្រោះ បានចងកនៅក្នុងបន្ទប់គេងរបស់ខ្លួន បង្កឲ្យមានការភ្ញាក់ផ្អើលតែម្តង ។ក្មេងស្រីរងគ្រោះបានឈប់សិក្សារយៈពេលមួយឆ្នាំមកហើយ ។
សមត្ថកិច្ច ជំនាញ បានឲ្យដឹងថា ក្នុងការធ្វើកោសល្យវិច័យលើសាកសពរួចមក ក្មេងស្រីរងគ្រោះ បានធ្វើអត្តឃាតដោយចងក សម្លាប់ខ្លួនប្រាកដមែន ព្រោះតែ មានវិបត្តិផ្លូវចិត្តក្នុងគ្រួសារ ។ បច្ចុប្បន្នសមត្ថកិច្ច ជំនាញ បានធ្វើកំណត់ហេតុ និងប្រគល់សាកសពអោយអាណាព្យាបាល ក្មេងស្រីរងគ្រោះ ដើម្បីយកទៅធ្វើបុណ្យតាមប្រពៃណី៕
![]()
![]()
![]()
![]()
![]()