បុរសម្នាក់ យកដែកមុតស្រួចភ្ជង់ នឹងច្របាច់.ក ជនរងគ្រោះដល់ក្នុងផ្ទះត្រូវបានសមត្ថកិច្ចឃាត់ខ្លួន
).jpg)
សៀមរាប៖ ជនសង្ស័យម្នាក់ ត្រូវបានកម្លាំងនគរបាលធ្វើការឃាត់ខ្លួន ទៅតាមពាក្យបណ្តឹងរបស់ប្រជាពលរដ្ឋ បន្ទាប់ពីរូបគេបានយកដែកមុតស្រួចមកភ្ជង់ នឹងច្របាច់ក គាត់ហើយប្រមូលយកលុយ ចំនួន៣៥៥.០០០រៀល នឹង៤៣ដុល្លារ រួចគេចខ្លួនតែត្រូវជាប់អន្ទាក់សមត្ថកិច្ច។
លោកវរសេនីយ៍ត្រី នួន ស័ក្ត ចំរើនរិទ្ធ អធិការរងទទួលបន្ទុកព្រហ្មទណ្ឌក្រុងសៀមរាប បានឲ្យដឹងថា ការបាត់បង់ រួមមាន លុយរៀលចំនួន៣៥៥.០០០ រៀល នឹងលុយដុល្លាចំនួន៤៣ដុល្លារ ។
លោកបន្តថា រហូតដល់វេលាម៉ោង១៦:៣០នាទីថ្ងៃទី១៥ ដដែលនៅចំនុចក្រុមទី១០ ភូមិចុងកៅស៊ូ សង្កាត់ស្លក្រាម នគរបាលប៉ុស្តិ៍រដ្ឋបាលសង្កាត់ស្លក្រាម នឹងនគរបាលផ្នែកព្រហ្មទណ្ឌ ដោយមានការចូលរួម សហការណ៍ល្អពីបងប្អូនប្រជាការពារភូមិសង្កាត់ស្លក្រុងបានធ្វើការស្រាវជ្រាវនឹងឃាត់ខ្លួនជនសង្ស័យម្នាក់ ឈ្មោះ ព្រំ វុត្ថាភេទប្រុសអាយុ ៣៤ឆ្នាំមុខរបរបើកបររថយន្តមានស្រុកកំណើតភូមិដូនហុង ឃុំដំដែកស្រុក សូទ្រនិគម ខេត្តសៀមរាប ។ បច្ចុប្បន្នស្នាក់ នៅបណ្តោះអាសន្ន នៅភូមិចុងកៅស៊ូ សង្កាត់ស្លក្រាមក្រុងសៀមរាប យកមកសាកសួរនៅប៉ុស្តិ៍នគរបាលប៉ុស្តិ៍រដ្ឋបាលសង្កាត់ស្លក្រាម នឹងដកហូតបានមកវិញ លុយរៀលខ្មែរ ចំនួន ៣៥៥០០០ រៀល នឹង លុយដុល្លាចំនួន៤៣ដុល្លារ ដែកមានមុខមុតស្រួចប្រវែង១តឹក២ហ៊ុន ចំនួន០១ដើម។
លោក បានបន្ថែមថា យោងតាមពាក្យបណ្តឹងរបស់ជនរងគ្រោះយោងតាមការស្តាប់ចំលើយសារភាពរបស់ជនសង្ស័យនឹងស្លាកស្នាមរបួសលើដងខ្លួនជនសង្ស័យ ក៏ដូចជា វត្ថុតាង ដកហូតបានមកវិញ ។ ជនសង្ស័យនឹងវត្ថុតាងត្រូវបាននគរបាលផ្នែកព្រហ្មទណ្ឌក្រុងសៀមរាប បញ្ជូនទៅការិយាល័យ នគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តសៀមរាបដើម្បីបញ្ជូនបន្តទៅតុលាការចាត់ការតាមនីតិវិធីច្បាប់៕
![]()
![]()
![]()
![]()
![]()