សមត្ថកិច្ច ឃាត់ខ្លួនជនសង្ស័យ២នាក់ ពាក់ព័ន្ធគ្រឿងញៀន
).jpg)
សៀមរាប ៖ ជនសង្ស័យ២នាក់ ពាក់ព័ន្ធ និងករណីរក្សាទុកនិងចាត់ចែងថ្នាំញៀន ត្រូវបានសមត្ថកិច្ចល្បាតខេត្តសៀមរាប ឃាត់ខ្លួន កសាងសំណុំរឿង បញ្ជូនទៅសាលាដំបូងខេត្ត នៅរសៀលថ្ងៃទី១៦ ខែកក្កដា ឆ្នាំ២០១៦ ។
ការបង្ក្រាប និងឃាត់ខ្លួនជនសង្ស័យខាងលើ បានធ្វើឡើង នៅវេលាម៉ោងជិត ២១និង០០នាទី ល្ងាច ថ្ងៃទី១៤ ខែកក្កដា ឆ្នាំ២០១៦ នៅត្រង់ចំណុចភូមិវាល សង្កាត់គោកចក ក្រុងសៀមរាប ដោយកម្លាំងការិយាល័យប្រឆាំងគ្រឿងញៀន បានសហការជាមួយកម្លាំងប៉ុស្ដិ៍នគរបាល មូលដ្ឋាន ចុះល្បាត។
សមត្ថកិច្ច ប្រឆាំងគ្រឿងញៀន បានអោយដឹងថា ជនសង្ស័យដែលពាក់ព័ន្ធនិងករណីរក្សាទុកនិងចាត់ចែង ទី១ ឈ្មោះ ស្រី ម៉ែន ភេទប្រុស កើតនូវ ឆ្នាំ១៩៩៦ មុខរបរកម្មករសំណង់ នៅភូមិគោកតាចាន់ សង្កាត់គោកចក ក្រុងសៀមរាប ឃាត់ខ្លួននៅម៉ោង២៣និង៥០នាទីក្នុងថ្ងៃទី១៤ ខែកក្កដាឆ្នាំ២០១៦ ពីបទរក្សាទុក និងចាត់ចែង និងទី២ ឈ្មោះ អាន់ ចាន់ទ្បុង ភេទប្រុសកើតនូវ ឆ្នាំ១៩៩១មុខរបរជាងកាត់សក់ នៅភូមិខ្វៀន សង្កាត់គោកចក ក្រុងសៀមរាប ឃាត់ខ្លួននៅម៉ោង២៣និង៣០នាទីក្នុងថ្ងៃទី១៤ ខែកក្កដាឆ្នាំ២០១៦ពីបទរក្សាទុកនិងចាត់ចែង។
សមត្ថកិច្ច បានបន្ថែមតៀតថា ក្រោយពីការឃាត់ខ្លួន កម្លាំងសមត្ថកិច្ច បានដកហូតគ្រឿងញៀន ប្រភេទម៉ាទឹកកក ០១ កញ្ចប់តូច ម៉ូតូ១ គ្រឿង និងទូរស័ព្ទដៃ ១គ្រឿង និងឧបករណ៍កែច្នៃជក់ថ្នាំញៀនមួយចំនួន។ បច្ចុប្បន្នជនសង្ស័យ និងវត្ថុ តាង ត្រូវបានកម្លាំងជំនាញ កំពុងកសាងសំណុំរឿង បញ្ជូនទៅសាលាដំបូងខេត្តនូវរសៀលថ្ងៃទី១៦ ខែកក្កដា ឆ្នាំ២០១៦ ចាត់ការបន្ត តាមនីតិវិធី៕
![]()
![]()
![]()
![]()
![]()