បទល្មើសនេសាទ កើនឡើងមានព្រោងព្រាត នៅលើផ្ទៃបឹងទន្លេសាបខេត្តកំពង់ឆ្នាំង នារដូវទឹកដំឡើង
).jpg)
កំពង់ឆ្នាំង ៖ បទល្មើសនេសាទគ្រប់ប្រភេទ កើតមានលើផ្ទៃបឹងទន្លេសាយ យ៉ាងព្រោងព្រាត នារដូវទឹកឡើង ជាក់ស្ដែង គ្រាន់តែរយៈពេល១ថ្ងៃ សមត្ថកិច្ចចម្រុះចុះធ្វើការរុះរើកាប់បំផ្លាញចោលឧបករណ៍បទល្មើសនេសាទ មានរបាំងរាំងផ្ចិតកាត់ព្រែក ចំនួន១៨កន្លែង មានប្រវែង៤០០ម៉ែត្រ លប២៦លប លូ៦ បង្គោល៤៦០ដើម រួមនឹងឧបករណ៍ទំនើបមានលបប្រើស១០០ចំនួន១១គ្រឿង។
សមត្ថកិច្ចចម្រុះ ស្ថិតក្នុងការបង្ក្រាបបាន អោយដឹងថា ការបង្ក្រាបធ្វើឡើង ចាប់ពីថ្ងៃទី១២ កក្កដា២០១៦ កំលាំងចម្រុះផ្នែករដ្ឋបាលជលផល កំពង់ប្រាសាទ រួមនឹងសង្កាត់រដ្ឋបាលជលផល យោធា ស្រុក សហគមន៍នេសាទសរុប២០នាក់ មធ្យោបាយធ្វើសកម្មភាពកាណូតជ័រ៤គ្រឿង នៅចំណុច ព្រែកត្រប់ ព្រែកកំពង់បាស្រូវ ព្រែកខ្លែងក្រូច ព្រែកប្រចាន់ ព្រែកអន្លុងអក រួមនឹង របាំងសាច់អួនដាក់តាមដងទន្លេ ផងដែរ ។
លោក ឃីម ឡុង នាយផ្នែករដ្ឋបាលជលផលកំពង់ប្រាសាទ បានអោយដឹងថា ការចុះបង្ក្រាបនៅពេលនេះគឺ ធ្វើការទប់ស្កាត់ការដាក់របាំងរាំងភ្ជិត ពោះព្រែក ខណះដែលទឹកកំពុងឡើងខ្លាំងហើយត្រី ក៏ត្រូវចូលរកកន្លែងពងកូនផងដែរ ។ ក្នុងនោះត្រូវការពារព្រៃលិចទឹកអោយបានល្អវាជាកន្លែង សម្រាប់សត្វគ្រប់ប្រភេទរស់នៅ និងបន្តពូជ ។
ក្នុងនោះផងដែរលោកនាយផ្នែករដ្ឋបាល ជលផលកំពង់ឆ្នាំង បានធ្វើការសំណូម ដល់បងប្អូនប្រជាពលរដ្ឋដែលលោកមានមុខរបរនេសាទត្រូវគោរពច្បាប់ស្តីពីជលផលពិសេសសូមចូលរួមអនុវត្តន៍គោលនយោបាយ៧ ចំណុចរបស់ ប្រមុខរាជរដ្ឋាភិបាល កុំចាប់ត្រី នៅក្នុងរដូវត្រីពងកូន នូវរដូវទឹកដំឡើង ដើម្បីការពារនិរន្តរភាព ពូជត្រី សម្រាប់កូនចៅជំនាន់ក្រោយ និងបានកាត់ បន្ថយជីវភាពក្រីក្រ និងបង្កើនជីវភាពរស់នៅរបស់បងប្អូនប្រជាពលរដ្ឋអោយមានភាពល្អប្រសើរផងដែរ៕
![]()
![]()
![]()
![]()
![]()