ម៉ូតូបងប្អូន២នាក់ ជិះមកពីទិញម្ហូប ត្រូវរថយន្តបាឡែន បើកកៀរ រងរបួសធ្ងន់
).jpg)
ឧត្តរមានជ័យ ៖ ក្មេងប្រុស-ស្រី២នាក់ត្រូវជាបងប្អូននឹងគ្នា ត្រូវបានរថយន្តកាមរីបាឡែន ពណ៌ក្រហម បើកកៀរ បណ្តាលអោយរងរបួសធ្ងន់ ខណះដែលក្មេងទាំង២នាក់នេះ ជិះម៉ូតូបញ្ច្រាសទិស គ្នាមកពីទិញម្ហូប។
ហេតុការណ៍ នេះ បានកើតឡើង នៅវេលាម៉ោង១១និង២០នាទី ថ្ងៃទី១១ ខែកក្កដា ឆ្នាំ២០១៦ ស្ថិតនៅលើកំណាត់ផ្លូវជាតិលេខ៦៧B ក្នុងភូមិអភិវឌ្ឍន៍ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ។
សាក្សីនៅកន្លែងកើតហេតុ បានអោយដឹងថា នៅពេលដែលរថយន្ត បានបុកមកលើក្មេងទាំង២នាក់ខាងលើ ម្ចាស់រថយន្តក៏បានយកក្មេងរងគ្រោះទាំង២នាក់លើកដាក់លើរថយន្តយកមកសង្គ្រោះបន្ទាន់ រួចបើករថយន្តរត់គេចខ្លួនបាត់។
សាក្សី បានបន្ដទៀតថា ក្មេងរងគ្រោះខាងលើបានស្គាល់អ្នកបើកបររថយន្តបង្កយ៉ាងច្បាស់ថា ឈ្មោះ ឈីវ ជាឈ្មួញរកស៊ីឈើក្រញូង ដែលបើករថយន្តលឿនដូចហោះដែលត្រូវ និងកូនរបស់លោក លួស ឡាញ់ មេបញ្ជាការវរ ៤១១ ចំណុះអោយកងពលតូចលេខ៤១។
ក្មេងរងគ្រោះទាំង២នាក់ បងប្អូនក្រោយពីធ្វើការសង្គ្រោះបន្ទាន់នៅ និងមន្ទីរពេទ្យបង្អែកស្រុកអន្លង់វែង រួចនិងត្រូវបានបញ្ជូនទៅព្យាបាលនៅមន្ទីរពេទ្យខេត្តសៀមរាប។ សមត្ថកិច្ច បានអោយដឹងថា ក្មេងរងគ្រោះ១.ឈ្មោះ អៀត សាវលីន ភេទស្រី អាយុ១៤ឆ្នាំ ទី២.ឈ្មោះ អៀត វ៉ាន់ឌី ភេទប្រុស អាយុ៧ឆ្នាំ រស់នៅភូមិ ឃុំ កើតហេតុខាងលើ៕
![]()
![]()
![]()
![]()
![]()