សមត្ថកិច្ចល្បាត ចាប់ខ្លួនយុវជនម្នាក់ ពេលកំពុងជួញដូរគ្រឿងញៀន
បន្ទាយមានជ័យ ៖ យុវជនវ័យក្មេងម្នាក់ ត្រូវបានកំលាំងនគរបាលប្រឆាំងនិងគ្រឿងញៀន ចុះល្បាតតាមផ្លូវសាធារណៈប្រទះឃើញ រួចធ្វើការឃាត់ខ្លួន ក្រោយពីធ្វើការឆែកឆេរ ឃើញគ្រឿងញៀននៅនឹងខ្លួន បញ្ជូន មកស្នងការដើម្បីសាកសួរបន្ត។
ករណីនេះ បានធ្វើឡើង កាលពីវេលាម៉ោង៦ល្ងាចថ្ងៃទី១០ ខែកក្កដា ឆ្នាំ២០១៦ នៅចំណុចសាលារៀនប៉ោយសូភី ស្ថិតក្នុងភូមិ២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ ដកហូត ថ្នាំប្រភេទមេតំហ្វេតាមីន ម្សៅក្រាមម៉ាទឹកកក ចំនួន១ថង់តូច ស្មើនិង០.២៩ក្រាម ទូរស័ព្ទដៃ១គ្រឿង ។
លោកវរៈសេនីយ៍ឯក ចាប សុផារិទ្ធ ស្នងការរងខេត្តបន្ទាយមានជ័យ ទទួលបន្ទុកគ្រឿងញៀន និងអនីតិជន បានឲ្យដឹងថា ជនសង្ស័យរូបនេះ មានឈ្មោះ ញឹង ភីលីព ប្រុសអាយុ១៧ឆ្នាំ រស់នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
លោក បានបន្ដថា បើតាមចំលើយសារភាពរបស់ជនសង្ស័យនោះ បានឆ្លើយសារភាពថា ខ្លួនពិតជាបានយកថ្នាំញៀនយកទៅលក់ចែកចាយឲ្យបក្សពួកខ្លួននៅតាមផ្លូវសាធារណៈសំរាប់យកទៅជក់បន្តពិតប្រាដកមែន ។ក្រោយពីបានចំលើយសារភាពហើយជនសង្ស័យនេះត្រូវបានកសាងសំណុំរឿងបញ្ជូនទៅតុលាការ ដើម្បីដាក់ទោសទៅតាមផ្លូវច្បាប់៕
![]()
![]()
![]()
![]()
![]()