ពលរដ្ឋសុំឲ្យអាជ្ញាធរខេត្ដកំពង់ធំ ជួយកសាងស្ពាន២កន្លែង នៅឃុំបឹងល្វា ខណៈឈ្មួញរកស៊ីឈើ យកលុយថ្លៃ ពីពួកគាត់ ពេលឆ្លងកាត់
).jpg)
កំពង់ធំ ៖ ប្រជាពលរដ្ឋ១២ភូមិនៅភូមិបឹងល្វា ស្រុកសន្ទុក ខេត្តកំពង់ធំ សុំឲ្យលោក អភិបាល ខេត្ត និង រាជរដ្ឋាភិបាល ជួយកសាងស្ពាន២កន្លែង ស្ថិតនៅក្នុងភូមិអូរកែងទាត់ ដែលពួកត្រូវឆ្លងកាត់ ជា ប្រចាំក្នុង ការរស់នៅ ប៉ុន្តែកន្លងមក និងបច្ចុប្បន្ន ឈ្មួញរកស៊ីឈើម្នាក់ ជាមន្ត្រីទាហាន នៅផ្នែកសឹករង ស្រុកសន្ទុក និងមេភូមិ បណ្ដោះអាសន្ននៅអូរកែងទាត់នេះ បានហួងហែងធ្វើ ស្ពាន ទាំង២កន្លែងនេះ យកលុយពីពួកគាត់ ក្នុងតំលៃថ្លៃ ដែលធ្វើពួកគាត់ ជួបការលំបាកជាខ្លាំង ក្នុងឆ្លង កាត់ទៅមកនោះ។
ប្រជាពលរដ្ឋទាំងនោះ បានបន្តឲ្យដឹងថា កន្លែងទាំង២នេះ ពីដើមគឺមានអូរ ទឹកហូរកាត់ នៅរដូវវស្សា ក្រោយមកផ្លូវ កាន់តែរូងទៅៗ ដោយសារតែរថយន្ត ដឹកឈើ ប្រជាពលរដ្ឋក៏ចេះនាំ គ្នា ដាក់ដើមឈើ ធ្វើស្ពានឆ្លងកាត់ជាធម្មតា ប៉ុន្តែ ឈ្មោះ ខឹម ហម ហៅ៨៤ ជាមន្ត្រីទាហាន សឹងរងស្រុក សន្ទុក ដែលនៅប្រចាំនៅទីនេះ ក៏បានធ្វើស្ពានដែលមានលក្ខណៈ រឹងមាំបន្តិច ដើម្បីឲ្យរទេះគោ ក្របី និងរថយន្ត ដែលគាត់រត់ការកាងនោះ ឆ្លងកាត់បាន និងយកលុយពីអ្នកផ្សេង ហើយក្រោយមក ក៏បន្តហួងហែងធ្វើស្ពានផ្ដាច់មុខ ធ្វើអាជីវកម្មជាមួយប្រជាពលរដ្ឋតែម្ដង ដោយយកលុយពី គឺរទេះគោ ក្របី និងគោយន្ត១គ្រឿង តម្លៃ១ម៉ឺនរៀល ចំណែកស្ពាន១ កន្លែងទៀត គឺលោកមេភូមិ បណ្ដោះអាសន្នអូរកែងទាត់ ឈ្មោះ ពៅ វែង ជាអ្នកធ្វើ ដោយយកលុយពីរទេះគោ ក្របី និងគោយន្ត១គ្រឿង តម្លៃ ១ម៉ឺន៥ពាន់រៀល ទៅ២ម៉ឺនរៀល ។
បុរសម្នាក់ឈ្មោះ សន គីម ជាប្រជាពលរដ្ឋនៅភូមិអូរកែងទាត់ បាននិយាយថា ករណីខាងលើនេះប្រជាពលរដ្ឋ បាននាំគ្នាផ្ដិតមេប្ដឹង ទៅ លោកមេឃុំ ឲ្យជួយរកដំណោះស្រាយឲ្យដែរ តែគ្មានលទ្ធផលរហូតមកទល់ពេលនេះ។
បុរស ឈ្មោះសន គីម ក៏ដូចជាប្រជាពលរដ្ឋនៅតំបន់ភ្នំក្រហម និងភូមិអូរកែងទាត់ ជាឈ្មោះ ភូមិបណ្ដោះអាសន្ននេះ សុទ្ធតែបាននិយាយដូចគ្នាថា លោក ខឹម ហម រហស្សនាម ៨៤នេះ ជាអ្នក រត់ការកាងបទល្មើសឈើ ដែលដឹកតាមរទេះគោ ក្របី និងគោយន្ត ចេញពីព្រៃឡង់ កាត់តាមភូមិ សាស្ត្រឃុំសុចិត្រ ស្រុកសណ្ដាន់ ឆ្លងកាត់ចំណុចអូរក្រពើ មកផ្លូវភូមិអូរកែងទាត់នេះ ចេញទៅខេត្ត កំពង់ចាម ក្នុងស្រុកស្ទឹងត្រង់ ហើយលោកមន្ត្រីទាហានរូបនេះ គឺរកស៊ីរបរនេះ ជាច្រើនឆ្នាំមកហើយ តាំងពីទីនេះ មានព្រៃស្ដុក រហូតកើតជាភូមិ។
លោក ប៉ែន លឿង មេឃុំបឹងល្វា ប្រាប់អ្នកសារព័ត៌ថា លោកមិនមាន លទ្ធភាពដោះស្រាយនោះទេ ទាល់តែស្រុក ។ ចំណែកលោក អភិបាលស្រុកសន្ទុក គឺលោកយស បញ្ញារិទ្ធ បានប្រាប់អ្នកសារព័ត៌មានថា ចំពោះបញ្ហា លោកបានហៅអ្នកទាំង២នោះ មកធ្វើ កិច្ច សន្យាបញ្ឈប់ ឲ្យធ្វើអាជីវកម្មជាមួយប្រជាពលរដ្ឋរួចម្ដងទៅហើយ ប៉ុន្តែបើករណីនេះ នៅតែបន្តកើត មានលោកនឹងមានចំណាត់ការបន្ត៕
![]()
![]()
![]()
![]()
![]()