ថ្ងៃពុធ ទី១៨ ខែកញ្ញា ឆ្នាំ២០៥០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
វិស័យ​ឯកជន ​ស្រូវ-អង្ករ​​​ ​សម្ដែង​ការ​ព្រួយបារម្ភ​ នៅពេល​ធនាគារ​រឹត​បន្តឹង​ឥណទាន​ប្រមូល​ទិញ​ស្រូវ
ថ្ងៃទី ៣០ ខែ មិថុនាឆ្នាំ ២០១៦​ ម៉ោង 03:32 PM
ដោយ សម្លេងខ្មែរពិត (ចំនួនអ្នកអាន: 388នាក់)




ភ្នំពេញ ៖ ​​ក្រុមការងារ​វិស័យ​ឯកជន​ពាក់​ព័​ន្ធ​ វិស័យ​ស្រូវ អង្ករ​បាន​សម្តែង​ការព្រួយបារម្ភ​ទាក់ទង​នឹង​កង្វះ​ឥណទាន ប្រមូល​ទិញ​ស្រូវ​នាពេល​ខាងមុខនេះ ​ខណៈ​ធនាគារ​នានា​បាន​រឹតបន្តឹង​ក្នុងការ​ផ្តល់​ឥណទាន​ស​ម្រា​ប់ ​វិស័យនេះ​។

លោក​ឧកញ៉ា ​គឹម សាវុធ ​អនុប្រធាន​សហ​ព័​ន្ធ ​ស្រូវ អង្ករ​កម្ពុជា និង​ជា​អគ្គនាយក​ក្រុមហ៊ុន​ខ្មែរ​ហ្វូ​ត​គ្រុប ​បាន​ថ្លែង​ឲ្យ​ដឹង​តាម​ទូរស័ព្ទ​ នា​ព្រឹក​ថ្ងៃទី​៣០ មិថុនា​នេះ​ថា ​ធនាគារ​មួយចំនួន​បាន​កាត់បន្ថយ​ការ​ផ្តល់​ឥណទាន និង​ធនាគារ​ខ្លះទៀត​បាន​កាត់ផ្តាច់​ឥណ​ទាន សម្រាប់​ប្រមូល​ទិញស្រូវ​តាំងពី​ចុងឆ្នាំ​២០១៥​ម្ល៉េះ  ដែល​ធ្វើ​ឲ្យ​រោង​ម៉ាស៊ីនកិនស្រូវ​នានា​ជួប​ការលំបាក​ ក្នុងការ​ស្វែងរក​ប្រភព​ទុន​ដើម្បី​ប្រមូល​ទិញ​ស្រូវ​នៅ​រដូវ​ប្រមូល​ផល​នាពេល​ខាងមុខ​។​លោក ​បន្តថា ​កន្លងមក​ធនាគារ​បា​ន​ផ្តល់​ឥណទាន​ច្រើន​សម្រាប់​ទិញស្រូវ ​ដែល​ធ្វើ​ឲ្យ​ម្ចាស់​រោង​ម៉ាស៊ីនកិនស្រូវ​នានា​យក​ទុន​ទៅ​ពង្រីក​រោង​ម៉ាស៊ីន​របស់ខ្លួន ​ដូច្នេះ​ដល់ពេល​ធនាគារ​រឹតបន្តឹង​បែបនេះ ធ្វើ​ឲ្យ​រោង​ម៉ាស៊ីន​មួយចំនួន​ជួប​ការលំបាក​។

​លោក ​បន្តថា ការ​រឹតបន្តឹង​ឥណទាន ជា​មូ​ល​ហេតុ​មួយ​ក្នុងចំណោម​មូលហេតុ​ចំនួន​ពីរ ដែល​ធ្វើ​ឲ្យ​ការនាំចេញ​អង្ករ​ធ្លាក់ចុះ​ក្នុងឆ្នាំនេះ ដូច្នេះ​វិស័យ​ឯកជន​សូម​ស្នើ ឲ្យ​ធនាគារ​នានា កុំ​រឹតបន្តឹង​​ឥណទាន​នៅពេល​រដូវ​ប្រមូល​ផល​មកដល់​”​។​

លោក​ បន្តថា “​រដ្ឋាភិបាល​គួរ​មាន​កញ្ចប់​ថវិកា​ខ្លួនឯង មកជួយ​វិស័យ​ឯកជន​តាមរយៈ​ការផ្តល់​ឥណទាន​រយៈពេល​ខ្លី និង​ជួយ​សម្របសម្រួល​ជាមួយ​ធនាគារពាណិជ្ជ​ ដើម្បី​ឲ្យ​ពួកគេ​បន្ធូរបន្ថយ ​ក្នុង​ការ​ផ្តល់​ឥណទាន​ដល់​វិស័យនេះ​”​។

លោក​ឧកញ៉ា ​ភួ ពុ​យ​ ប្រធាន​ស​ម្ព័​ន្ធ ​សមាគម​រោង​ម៉ាស៊ីនកិនស្រូវ​កម្ពុជា​បាន​ថ្លែង​ស្រដៀង​គ្នា​ថា លោក​មានការ​ព្រួយបារម្ភ​ណាស់ ​ទាក់ទង​នឹង​ការ​រឹតបន្តឹង​ឥណ ​ទាន​របស់​ធនាគារ​នា​នា ដែល​ធ្វើ​ឲ្យ​រោង​ម៉ាស៊ីនកិនស្រូវ​មួយចំនួន​ជួប​ការលំបាក​ក្នុងការ​ស្វែងរក​ប្រភព​ទុន ប្រមូល​ទិញស្រូវ​នៅក្នុង​រដូវ​ប្រមូល​ផល​នាពេល​ខាងមុខនេះ​។ លោក ​បន្តថា ​កង្វះ​ឥណទាន​នឹងធ្វើ​ឲ្យ​រោង​ម៉ាស៊ីនកិនស្រូវ​មួយចំនួន​ត្រូវ​ជាប់គាំង ​ហើយ​ធ្វើ​ឲ្យ​វិស័យ​ស្រូវ អង្ក​របស់​កម្ពុជា​មិនអាច​ដំណើរ​ការល្អ​ផងដែរ​។

លោក​ បន្តថា ការធ្លាក់ចុះ​នូវ​ការនាំចេញ​អង្ករ គឺ​ដោយសារ​រោង​ម៉ាស៊ីន​នានា មិនមាន​ល​ទ្ធ​ភាព​ប្រមូល​ទិញស្រូវ​ស្តុក​ទុក ដើម្បី​ធ្វើការ​នាំចេញ​។ រដ្ឋាភិបាល​គួរ​ជួយ​អន្តរាគមន៍​ធនាគារពាណិជ្ជ​នានា ដើម្បី​ជួយ​ផ្តល់​ឥណទាន​សម្រាប់​ទិញស្រូវ​អង្ករ​នៅ​រដូវ​ប្រមូល​ផល​នាពេល​ខាងមុខនេះ​។

លោកស្រី​ សូ ផន​ណា​រី​ អនុប្រធាន​នាយក​ប្រតិបត្តិ និង​ជា​នាយិកា​ប្រតិបត្តិ ប្រតិបត្តិការ​នៃ​ធនាគារ​អេស៊ីលីដា​ បាន​ថ្លែងថា​ អេស៊ីលីដា​មិនបាន​កាត់បន្ថយ​ឥណទាន​សម្រាប់​វិស័យ​ស្រូវ​អង្ករ​នោះទេ ​គឺ​យើង​នៅតែ​ផ្តល់​ឥណទាន​សម្រាប់​វិស័យ​ឯក ជន​នៅឡើយ ជាក់ស្តែង​ឥណទាន​សម្រាប់​វិស័យ​កសិកម្ម​មាន​ទំហំ​២២​ភាគរយ​នៃ​ឥណទាន​សរុប​របស់​ធនាគារ​អេស៊ីលីដា​ ដែលមាន​ទឹកប្រាក់​សរុប​ចំនួន​៥៧៧,៤​លាន​ដុល្លារ​អាមេរិក ហើយ​កំណើន​ឥណទាន​សម្រាប់​វិស័យ​នេះ​កើនឡើង​លើសពី​២០​ភាគរយ​ជា​រៀងរាល់ឆ្នាំ​៕

ដកស្រង់ ៖ គេហទំព័របាយ័ន​
 


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ