ឃាត់ខ្លួន ជនប្រើប្រាស់ និងជួញដូរគ្រឿងញៀន ០៥នាក់ នៅក្រុងសៀមរាប
សៀមរាប៖ ជនសង្ស័យចំនួន០៥នាក់ ជាប់ពាក់ព័ន្ធករណីប្រើប្រាស់ និងជួញដូរគ្រឿងញៀន នៅក្នុងក្រុងសៀមរាប ត្រូវបានកម្លាំងអាវុធហត្ថខេត្តសៀមរាប ធ្វើការស្រាវជ្រាវ និងឈានទៅដល់ការឃាត់ខ្លួនបានជាបន្ដបន្ទាប់ ដកហូតយកវត្ថុតាងមួយចំនួន នៅថ្ងៃទី២៩ ខែមិថុនា ឆ្នាំ២០១៦ ។
មន្ត្រីអាវុធហត្ថ បានឲ្យដឹងថា ឆ្លងតាមការរាយការ និងស៊ើបអង្កេតយ៉ាងច្បាស់ លាស់ទើបកម្លាំងអាវុធហត្ថស្រុក និងខេត្តសហការគ្នាធ្វើការឃាត់ខ្លួនជនសង្ស័យ ចំនួន០៥នាក់ ករណីរក្សាទុកដឹកជញ្ជូន ឬជួញដូរដោយខុសច្បាប់ នូវសារធាតុញៀន នៅចំណុចភូមិវិហារចិន សង្កាត់ស្វាយដង្គំ ក្រុងសៀមរាប ។
អាវុធហត្ថ បានបន្ដថា ករណីបង្ក្រាប លើកទី១. ឃាត់ខ្លួនជនសង្ស័យចំនួន០២នាក់ ទី១. តេង សុលាង ភេទប្រុស អាយុ២៨ឆ្នាំ មុខរបរបើកបរ ទីលំនៅភូមិតាភុលសង្កាត់ស្វាយដង្គំ ក្រុងសៀមរាប ។ទី២.តេង គឹមស៊ាង ភេទប្រុស អាយុ២៣ឆ្នាំមុខរបររត់ម៉ូតូឌុប ទីលំនៅ ភូមិតាភុល សង្កាត់ស្វាយដង្គំក្រុងសៀមរាប ។ ដកយកវត្ថុ តាងរួមមាន ៖ ម្សៅគ្រើមម៉ាទឹកកក០៤កញ្ចប់ទម្ងន់២,89ក្រាម និងWY០១គ្រាប់ទូរសព្ទ័០២គ្រឿង,ជញ្ជីងថ្លឹង០១គ្រឿង។
បង្ក្រាបលើកទី០២ ៖ ករណីរក្សាទុកដឹកជញ្ជូន ឬជួញដូរដោយខុស ច្បាប់នូវសារធាតុញៀននៅចំណុចភូមិចុងកៅស៊ូសង្កាត់ស្វាយដង្គំក្រុងសៀមរាប ។ក្នុងនោះ អាវុធហត្ថ ខេត្តឃាត់ខ្លួនជនសង្ស័យចំនួន០៣ នាក់ ៖ ទី១.ចយ ចិត្តភេទប្រុសអាយុ ៣១ឆ្នាំ មុខរបរកម្មករសំណង់ទីលំនៅភូមិចុងកៅស៊ូសង្កាត់ស្លក្រាម ក្រុងសៀមរាប ទី២. ជុន ហ៊ាត ភេទប្រុសអាយុ៣៥ឆ្នាំមុខ របរធ្វើស្រែទីលំនៅភូមិជីយោគឃុំកំពង់ចិនត្បូង ស្រុកស្ទោងខេត្តកំពង់ធំ ទី៣. ឈ្មោះ ប្រាក់ សារឹទ្ធ ភេទប្រុសអាយុ៣៥ឆ្នាំ មុខរបរកម្មករ ទីលំនៅភូមិចុងកៅស៊ូ សង្កាត់ស្លក្រាមក្រុងសៀមរាប។ ដកហូតវត្ថុតាង ៖ម្សៅគ្រើមម៉ាទឹកកក០៤កញ្ចប់ ទម្ងន់១,៤០ក្រាម ទូរសព្ទ័០៣គ្រឿង និងសំភារៈជក់ និងវេចខ្ចប់មួយចំនួន។
បច្ចុប្បន្ន ជនសង្ស័យខាងលើ ត្រូវបានកម្លាំងជំនាញនៃអាវុធហត្ថខេត្តកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីនៃច្បាប់។ គួរកត់សម្គាល់ផងដែរថា បច្ចុប្បន្ននេះ គ្រឿងកំពុង ចុះវ៉ៃ លុក ក្នុងខេត្តទេសចរណ៍សៀមរាប អង្គរយ៉ាងពេញទំហឹង មិនថានៅទីជនបទឬនៅទីក្រុងនោះឡើយ៕
![]()
![]()
![]()
![]()
![]()