ចាប់ខ្លួនទណ្ឌិត២នាក់ រត់ពន្ធគ្រឿងញៀនក្នុងគុក ដកហូតថ្នាំញៀន ទម្ងន់ ១៨,៦៤ក្រាម
ក្រចេះ៖ ទណ្ឌិតចំនួនចំនួន២នាក់ ត្រូវបានមន្ត្រីជំនាញនគរបាលប្រឆាំងបទល្មើសគ្រឿងញៀន សហការ ជាមួយប្រធានពន្ធនាគារ ខេត្តក្រចេះ ឃាត់ខ្លួនក្នុង ករណីរក្សាទុក និងជួញដូរគ្រឿងញៀនខុសច្បាប់ នៅក្នុងពន្ធនាគារខេត្ត កាលពីវេលាម៉ោង ៨និង១៥នាទី ថ្ងៃទី២៨ ខែមិថុនា ឆ្នាំ២០១៦ ស្ថិតនៅក្នុងសង្កាត់ក្រចេះ ក្រុងក្រចេះ ។
លោក គង់ ស៊ីដន់ ប្រធានការិយាល័យប្រឆាំងបទល្មើសគ្រឿងញៀន បានអោយដឹងថា តាមរយះព័ត៌មានដែលទទួលបានពីភ្នាក់ងារផ្តល់ព័ត៌មាន រាយការណ៍ថា មានការប្រើប្រាស់គ្រឿងញៀនក្នុងពន្ធនាគារខេត្តក្រចេះ មន្ត្រីជំនាញពន្ធនាគារ សហការជាមួយមន្ត្រីជំនាញការិយាល័យប្រឆាំងគ្រឿងញៀន ធ្វើការស្រាវជ្រាវស៊ើបអង្កេតឈានទៅចាប់បង្ក្រាបជាក់ស្តែង ។ក្រោយ ពេលដែលមន្ត្រីពន្ធនាគារ ឃាត់ខ្លួនជនសង្ស័យទាំងពីរ បានឆែកឆេរ រកឃើញវត្ថុតាង និងដកហូតបានថ្នាំ ញៀនប្រភេទ មេតំហ្វេតាមីន (Ice) ចំនួន ៤កញ្ចប់ធំ ១៣កញ្ចប់ មធ្យម និង ២២កញ្ចប់តូច សរុបមានចំនួន ៣៩កញ្ចប់ ស្មើនឹងទម្ងន់ ១៨,៦៤ក្រាម ។
ជនសង្ស័យទណ្ឌិតទាំង២នាក់ ទី១-ឈ្មោះ តែ លីទី ភេទប្រុស ជនជាតិខ្មែរ អាយុ ២៨ឆ្នាំ និងទី២- ឈ្មោះ សៀង សុភា ភេទប្រុស ជនជាតិខ្មែរ អាយុ ៣១ឆ្នាំ ជាអ្នកទោសជាប់ពន្ធនាគារ ពីបទជួញដូរគ្រឿងញៀន ត្រូវបានបន្ថែមទោសពីលើមួយកម្រិតបន្ថែមទៀត ពីលើទោសដែលមានស្រាប់ ខណៈដែល ពួកគេទាំងពីរនាក់ ព្យាយាមប្រព្រឹត្ត ធ្វើសកម្មភាពរក្សាទុក និងចែកចាយគ្រឿងញៀន នៅក្នុងពន្ធនាគារខេត្ត ។
បច្ចុប្បន្ន ការិយាល័យប្រឆាំងគ្រឿងញៀន កំពុងកសាងសំណុំរឿងតាមនីតិវិធី ដើម្បីបញ្ជូន ទៅសាលាដំបូងខេត្តក្រចេះ៕
![]()
![]()
![]()
![]()
![]()