មនុស្ស៧នាក់រងរបួសធ្ងន់-ស្រាល ក្នុងករណី រថយន្តហាយឡែនឌ័រ ប្រលះ គោយន្តដឹកឈើពេញទំហឹង
សៀមរាប ៖ មនុស្សស្រីចំនួន០៧នាក់ បានរងរបួសធ្ងន់ -ស្រាល ក្នុងករណីគ្រោះថ្នាក់ចរាចរណ៍ រវាងរថយន្តហាយឡែនឌ័រ បានបុកជាមួយគោយន្តកន្ត្រៃ ដឹកឈើពេញទំហឹង ធ្លាក់ស្នាមភ្លោះ ក្នុងទិសដៅស្របគ្នា។
ហេតុការណ៍ គ្រោះថ្នាក់ចរាចរណ៍នេះ កើតឡើងកាលពីវេលាម៉ោង១៨និង២០នាទី ថ្ងៃទី២៣ ខែមិថុនា ឆ្នាំ២០១៦ ស្ថិតនៅត្រង់ចំណុចផ្លូវកោង ក្នុងភូមិឃុនរាម ឃុំឃុនរាម ស្រុកបន្ទាយស្រី ខេត្តសៀមរាប។
នគរបាល ចរាចរណ៍ ស្រុកឲ្យដឹងថា ករណីគ្រោះថ្នាក់ចរាចរណ៍ខាងលើនេះ បង្កឡើងដោយរថយន្តម៉ាកហាយឡែនឌ័រ មានពណ៌ទឹកប្រាក់ ពាក់ស្លាកលេខភ្នំពេញ 2AJ : 6958 បើកបរដោយជនជាតិចិនឈ្មោះ HUANG SHUISHAN ក្នុងនោះមានអ្នករួមដំណើរ០៣ នាក់ ស្រី០១ម្នាក់។
ប្រភព ដដែលបន្តថា បុរសជនជាតិចិនបើកបរក្នុងល្បឿនលឿន លុះដល់ចំផ្លូវកោង ស្ថិតក្នុងភូមិឃុនរាម ដោយយកចង្កូតមិនទាន់ ក៏បានជ្រុលទៅបុកគោយន្តកន្ត្រៃដឹកឈើបង្គោលក្រាក់ ពេញទំហឹង ធ្វើឲ្យរថយន្តខូចខាត ផ្នែកខាងមុខទាំងស្រុង និងបណ្ដាលឲ្យគោយន្តកន្ត្រៃធ្លាក់ពីលើផ្លូវ ហើយបានបណ្ដាលឲ្យអ្នកបើកគោយន្តកន្ត្រៃនិងអ្នករួមដំណើរ០២នាក់ ទៀត រងរបួសធ្ងន់និងស្រាល។
កោយ ពេលកើតហេតុ ជនជាតិចិនទាំង០៤នាក់ ត្រូវបានដឹកយកមកសម្រាកព្យាបាលនៅមន្ទីរពេទ្យក្នុងខេត្តសៀមរាប រីឯអ្នករងរបួស០៣នាក់ទៀត(គោយន្តកន្ត្រៃ)ត្រូវបានដឹកយកទៅ សម្រាកព្យាបាលនៅមន្ទីរពេទ្យស្រុកបន្ទាយស្រី។ បច្ចុប្បន្នរថយន្តនិងគោយន្តកន្ត្រៃ ត្រូវបានសមត្ថកិច្ចអូសយកទៅរក្សាទុកនៅអធិការដ្ឋាននគរបាលស្រុកបន្ទាយស្រីរងចាំភាគីទាំង០២ចូលខ្លួនធ្វើការដោះស្រាយទៅតាមផ្លូវច្បាប់៕
![]()
![]()
![]()
![]()
![]()