ជនជួញដូរនូវសារធាតុញៀនដោយខុសច្បាប់ ៥នាក់ ត្រូវឃាត់ខ្លួន
សៀមរាប ៖ កម្លាំងការិយាល័យបទល្មើសគ្រឿងញៀន កាលពីវេលាម៉ោង ០១ និង០០ នាទីថ្ងៃទី២២ ខែមិថុនា ឆ្នាំ ២០១៦ បានបង្ក្រាបករណីរក្សាទុកដឹកជញ្ជូន ឫ ជួញដូរដោយខុសច្បាប់ នូវសារធាតុញៀន ឃាត់ខ្លួនជនសង្ស័យចំនួន០៥នាក់ នៅចំណុចភូមិតាភុល សង្កាត់ស្វាយដង្គំ ក្រុងសៀមរាប ។
របាយការណ៍ របស់ការិយាល័យបទល្មើសគ្រឿងញៀន បានបញ្ជាក់ថា ជនសង្ស័យទាំង៥នាក់ ដែលត្រូវបានឃាត់ខ្លួន ទី១. ម៉ៅ ប៊ុនហួរ ភេទប្រុស អាយុ16ឆ្នាំ មុខរបរសិស្ស ទីលំនៅភូមិបន្ទាយចាស់ សង្កាត់ស្លក្រាម ក្រុង ខេត្តសៀមរាប ។ ទី២. ដាវ សុម៉ាឌី ភេទប្រុស អាយុ23ឆ្នាំ មុខរបរមិនពិតប្រាកដ ទីលំនៅភូមិគោកត្នោត ឃុំកណ្តែក ស្រុកប្រាសាទ បាគង ខេត្តសៀមរាប ។ ទី០៣. សុខ មករា ភេទប្រុស អាយុ25ឆ្នាំ មុខរបរបុគ្គលិកសណ្ឋាគារទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ។ ទី០៤. ពុយ ពៅ ភេទប្រុស អាយុ23ឆ្នាំ មុខរបរជាងដែក ទីលំនៅភូមិឃុនមោក ឃុំកណ្តែក ស្រុកប្រាសាទបាគង ខេត្តសៀមរាប ។ ទី០៥ . ម៉ុង សុភារិទ្ធ ភេទប្រុស អាយុ36ឆ្នាំ មុខរបរជាងដែក ទីលំនៅភូមិទក្សិណត្បូង សង្កាត់គោកចក ក្រុងសៀមរាប ។
វត្ថុតាងដែលសមត្ថកិច្ច ដកហូតបាន រួមមាន ៖ ម្សៅគ្រើម ម៉ាទឹកកក0២កញ្ចប់ ទម្ងន់៣,៨៧ក្រាមទូរស័ព្ទ០៥គ្រឿង ។ បច្ចុប្បន្ន កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមផ្លូវច្បាប់ ៕
![]()
![]()
![]()
![]()
![]()