​កីឡា ៖ ​អ្នកប្រដាល់ក្លិបអាណាចក្រគុនខ្មែរ  ​កីឡាករ ​វង្ស ណយ ត្រូវគេផ្តល់ឪកាស​អោយឡើង​ប្រកួត​សង​សឹកជាមួយអ្នក​ប្រ​ដា​ល់ថៃ ឈ្មោះ PhakaoKlangsaeng​ នាល្ងាចថ្ងៃ​អាទិត្យទី​២៦ មិថុនា ២០១៦នេះ លើសង្វៀ​ន ​បាយ័នបឹងស្នោ ។

វង្ស ណយ និង Phakao ជួបប្រកួតគ្នាក្នុងប្រភេទទម្ងន់៦៩​គីឡូ​ក្រា​ម ។ ​Phakao នេះ តាមដែលអ្នកផ្គូផ្គងអោយ​ ដឹងនោះថា គ្រាន់តែជាអ្នកប្រដាល់​ ថិត​ក្នុង​ក​ម្រិ​ត ​B ប៉ុណ្ណោះ អាច​និយាយបាន​ ថា យកមកដើម្បីអោយវង្ស ណយ គេស្តារមុខមាត់និង​កេ​រ្តិ៍​ឈ្មោះរបស់​គេ​ឡើ​ង​វិញ ក្រោយពីគេបានបាក់មុខ​ដោយ​សារតែប្រកួតចាញ់​ជាបន្តបន្ទាប់​ នាពេលចុងក្រោយ​នេះ តែជា​សំណាងអាក្រក់វង្សណយបែរជាសន្លប់ក្នុងទឹកទី៣ ដោយសារPhakao ទៅវិញ។

គេនៅចាំបានថា កាលពីថ្ងៃទី១៤និងថ្ងៃទី២៩ឧសភាកន្លងមកនេះ គេបានផ្តល់ឪ​កា​ស​អោយវង្ស ណយ ពីរដងរួចហើយ ដើម្បីស្តារមុខមាត់ឡើងវិញ តាមរយះអោយវង្ស ណ​យ ជួប​ប្រកួត​ជាមួយKhomPichit ដែលជាអ្នកប្រដាល់ថៃមួយរូប ដែលគេចាត់ទុកថាជា​សា​ច់ជ្រូកបីជាន់នោះ ។

 ជាការពិត វង្ស ណយ បានផ្តួលអ្នកប្រដាល់ថៃ រូបនេះ ទាំងពីរលើក ដែ​លលើកទី១ គេឈ្នះ​ ក្នុងទឹកទី៤ ​និងលើកទី២ គេផ្តួលក្នុងទឹកទី២ ។
 
រម្លឹកឡើងវិញពីការប្រកួតកន្លងមកនោះ អ្នកប្រដាល់ថៃPhakaoនេះ មិនខ្លាំងនោះទេ ព្រោះពីរ ទឹក​ ដំបូងវង្ស ណយគេបានឈ្នះដាច់ទៅហើយ ប៉ុន្តែដោយសារវង្សណយ​គេធ្វស​ប្រ​​ហែស និងវាយរាង​ មើលងាយផងនោះ ក៏ត្រូវPhakaoដែលទាត់តាមលក្ខណះផ្សង​ព្រេ​ង​នោះ ​ទាត់ត្រូវកញ្ចឹង ក មួយ​ជើង បណ្តាលអោយ វង្ស ណយ សន្លប់ធំតែម្តង ។

វង្ស ណយ គេជាអ្នកប្រដាល់ ដែលមានប្រជាប្រិយភាព និង​និយមចូលចិត្ត​ពីសំណា​ក់​​​​អ្នកស្នេហា​ កីឡាប្រដាល់នៅកម្ពុជា ​។ វង្ស ណយ បានស្រុតធ្លាក់​ខ្លាំងនៅចុងឆ្នាំ២០១៥​ និង​ដើមឆ្នាំ២០១៦នេះ ដែលធ្វើអោយកេរ្តិ៍ឈ្មោះ របស់គេចង់បាត់សាបសូន្យនោះ ៕