ផ្ទុះឃ្លាំងស្ដុកគ្រាប់រំសេវ នៅទីក្រុងហ្ការ៉ាប៊ូលលី ប្រទេសលីប៊ី ស្លាប់មនុស្ស ជាង ៤០នាក់
លីប៊ី៖ យ៉ាងហោចណាស់ មនុស្សជាង ៤០នាក់ បានបាត់បង់ជីវិត កាលពីថ្ងៃពុធម្សិលមិញ ក្នុងឧបទ្ទវហេតុ ផ្ទុះឆេះ ឃ្លាំងស្ដុកគ្រាប់រំសេវមួយកន្លែង និងមានការប៉ះទង្គិចនៅទីក្រុងហ្ការ៉ាប៊ូលលី នាភាគខាងលិច ប្រទេសលីប៊ី។
សេចក្ដីរាយការណ៍ បានឲ្យដឹងថា ឃ្លាំងស្តុកគ្រាប់រំសេវមួយនេះ ស្ថិតនៅក្រោមការកាន់កាប់របស់ក្រុមប្រដាប់អាវុធ ដែលពួកគេបានចេញពីទីក្រុងមីស្រាតា ហើយក្រុមប្រដាប់អាវុធទាំងនេះក៏បានបង្កើតជំរុំរបស់ខ្លួននៅទីកន្លែងមួយនេះ បន្ទាប់ពីធ្វើការវាយប្រហារទៅលើក្រុមពលរដ្ឋ ដើម្បីដណ្ដើមយកតំបន់នេះមកគ្រប់គ្រង។
មន្ត្រីប្រចាំតំបន់ បន្តថា ការផ្ទុះឃ្លាំងស្ដុកគ្រាប់រំសេវនេះ កើតឡើងក្នុងពេលអ្នករស់នៅក្នុងតំបន់ បានចូលទៅក្នុងជំរុំរបស់ក្រុមប្រដាប់អាវុធ។ តែទោះបីយ៉ាងណាក៏ដោយគេក៏នៅមិនទាន់ បានដឹង ច្បាស់ភ្លាមៗ អំពីអ្វីដែលបណ្ដាល ឲ្យកើតមានការផ្ទុះនេះកើតឡើងដែរ។
នៅពេលនេះគេកំពុងប្រឹងប្រែងរកមើល អ្នកបាត់បង់ជីវិតនៅកន្លែងកើតហេតុតទៅទៀត ក្រោយពីបានដឹងថា នៅមានអ្នកបាត់បង់ជីវិតច្រើនទៀតនោះ។ ចំណែកអ្នករងរបួសជិត ៣០នាក់ត្រូវបានគេបញ្ជូនទៅកាន់មន្ទីរពេទ្យភ្លាមៗដែរ៕
![]()
![]()
![]()
![]()
![]()