បាត់ដំបង ៖ ​ ​ភ្លៀង​មួយ​មេ​ យ៉ាង​ធំ  ​លាយ​ឡំ​​នឹង​ខ្យល់​កន្ត្រាក់ ​​បាន​បក់​បោក​ លំនៅ ដ្ឋាន ​រាប់រយ​ខ្នង ​រង​ការ​ខូច​ខាត​ យ៉ាងដំណំ ​ប៉ះពាល់​ទៅលើឃុំចំនួន២​ ក្នុង​​ស្រុក​ថ្មគោល ​​ផ្ទះ​ប្រមាណជាង៦០ ខ្នង​ ត្រូវ​បាន​បំផ្លាញ​ទាំងស្រុង ។

របាយការណ៍ ​របស់​សមត្ថកិច្ច ​បាន​អោយ​ដឹងថា  កាលពីថ្ងៃទី២០  ខែមិថុនា​ ឆ្នាំ២០១៦  វេលា​ម៉ោង ៨ និង៤០នាទីយប់  ​មានភ្លៀង​មួយមេយ៉ាងធំ ​បានធ្លាក់​មកលើ​ ភូមិ​សាស្ត្រស្រុក​ថ្មគោល ​ដែល​ក្នុង​នោះក៏មាន​ ខ្យល់កន្ត្រាក់​ ​បាន​បោកបក់មកជាមួយដែរ ​ព្រមទាំង​បានបក់ចូលទៅលើឃុំចំនួនពីរ  គឺឃុំតាម៉ឺន​  និងឃុំតាពូង  ​ដោយ​បានបំផ្លាញ​ទៅលើ​លំនៅដ្ឋាន​របស់​ប្រជា ​ពលរដ្ឋអស់​ ចំនួន២១៤ខ្នង ​។

របាយការណ៍បាន ​ បន្តថា  នៅក្នុងចំនួនសរុបនេះគឺមានភូមិចំនួន៨  ដែល​ទទួលរងនូវ​ខ្យល់​កន្ត្រាក់​នេះ  ដែលក្នុង​នោះមានភូមិសំរោង  ភូមិក្រសាំង  ភូមិអង់  ភូមិថ្មី  ភូមិគោកត្រប់​  ភូមិ​ ជ្រោយម្ទេស  ​និង​ភូមិគោកក្តួច  ដោយក្នុងចំណោមផ្ទះទាំង២១៤ខ្នងនេះ  គឺមាន ​ផ្ទះ​ចំនួន៦២ ខ្នង ត្រូវដួល​រលំ​ ទាំងស្រុង  និង១៥២ខ្នងទៀតរបើកដំបូល ​និង​ជញ្ជាំង ។

នៅក្នុងហេតុការណ៍​នេះដែរ ​គឺពុំមានប៉ះពាល់​ ដ​ល់អាយុជីវិត មនុស្ស ​ឬសត្វឡើយ ​ហើយ​ បច្ចុប្បន្ន​ ក៏មានខាង សាខាកាកបាទក្រហម  បានចុះទៅពិនិត្យស្ថានភាពជាក់ស្តែង ដើម្បីត្រៀម​ នាំអំណយ​ យកទៅចែកជូនដល់ពួកគាត់  រីឯសមត្ថកិច្ច​ ក៏បានចុះជួយ​កែច្នៃ ​និងកសាង​ឡើងវិញ​ នូវលំនៅដ្ឋាន មួយចំនួនផងដែរ ៕