ម៉ូតូកំពុងឆ្លងផ្លូវ ត្រូវរថយន្ដបើកលឿន បុកពេញទំហឹង រងរបួសធ្ងន់៣នាក់
សៀមរាប ៖ រថយន្តតាកូមា បើកបរក្នុងល្បឿនលឿនជ្រុលទៅបុកម៉ូតូពេញទំហឹង ខណៈពេលកំពុងឆ្លងថ្នល់ បណ្តាលឲ្យរងរបួសធ្ងន់៣នាក់ ក្នុងនោះអ្នកបើកម៉ូតូបាក់ជើងម្ខាង កាលពី វេលាម៉ោង១៦រសៀលថ្ងៃទី២០ ខែមិថុនា ឆ្នាំ២០១៦ នៅតាមបណ្ដោយផ្លូវជាតិលេខ៦ត្រង់ ចំណុចរង្វង់មូលផ្លូវចុះទៅស្រុកជីក្រែង ស្ថិតនៅភូមិអន្លង់វិល ឃុំគោកធ្លកក្រោម ស្រុកជីក្រែង។
នគរបាល ស្រុកជីក្រែង បានឲ្យដឹងថា អ្នកបើកបររថយន្តមានឈ្មោះទឹម មនោ អាយុ៣៦រស់នៅខេត្តព្រៃវែង។ រថយន្តបង្កម៉ាក TOYOTATACOMA ពណ៌សពាក់ស្លាកលេខភ្នំពេញ 2AA : 4492 បើកពីលិចទៅកើតលុះដល់ចំណុចកើតហេតុបានបុកជាមួយម៉ូតសេ១២៥ បើកឆ្លងកាត់ផ្លូវពីជើងទៅត្បូងបណ្ដាលឲ្យអ្នកបើកបរម៉ូតូរងរបួសធ្ងន់បាក់ជើងខាងស្ដាំ និងអ្នករួមដំណើរពីរនាក់ទៀតរងរបួសធ្ងន់។
សមត្ថកិច្ច បានបន្ដថា ជនរងគ្រោះទាំង០៣នាក់ មានឈ្មោះ ឈ្មោះ ភេម ស៊ឹង ភេទប្រុសអាយុ៥២ឆ្នាំជាអ្នកបើកបរម៉ូតូ, ឈ្មោះ ស៊ឹងរាក់ ភេទស្រីអាយុ២២ឆ្នាំ ត្រូវជាកូនប្រសារ រងរបួសស្រាល។ឈ្មោះ ចយ ណារិន ភេទស្រី អាយុ១ឆ្នាំ ត្រូវជាចៅអ្នកបើកបរម៉ូតូ។អ្នកទាំង០៣នាក់ រស់នៅភូមិស្វាយចេក ឃុំពង្រលើ ស្រុកជីក្រែង ខេត្តសៀមរាប។ អ្នកបើកបររថយន្ត មិនបានរត់គេចខ្លួនទេដោយបានជួយមើល និងលើកជនរងគ្រោះទៀតផង។
បច្ចុប្បន្នអ្នកបើកបររថយន្តកម្លាំងនគរបាលយើងបាននាំមកអធិការដ្ឋាននគរបាលស្រុកជីក្រែងដើម្បីធ្វើសាវតារជាតិ និងធ្វើកិច្ចសន្យា ដោយមានអ្នកធានារ៉ាប់រង និងមានការយល់ព្រមពីភាគីជនរងគ្រោះផងនោះកម្លាំងសមត្ថកិច្ចបានឲ្យត្រឡប់ទៅផ្ទះវិញរីឯម៉ូតូ និងរថយន្តកម្លាំងនគរបាលយើងបានយកមករក្សាទុកនៅអធិការដ្ឋាននគរបាលស្រុករងចាំធ្វើការដោះស្រាយទៅតាមផ្លូវច្បាប់៕
![]()
![]()
![]()
![]()
![]()