ថ្ងៃពុធ ទី១៨ ខែកញ្ញា ឆ្នាំ២០៥០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
អ្នក​វិនិយោគ​ស្រូវ​-អង្ករ​ ស្នើ​ឲ្យ​រដ្ឋាភិបាល​បង្កើត​ស្ថាប័ន​ជំនាញ​មួយ ​ទទួលបន្ទុក​ដោះស្រាយ ​វិស័យ​ស្រូវ​អង្ករ​
ថ្ងៃទី ២០ ខែ មិថុនាឆ្នាំ ២០១៦​ ម៉ោង 05:17 PM
ដោយ សម្លេងខ្មែរពិត (ចំនួនអ្នកអាន: 415នាក់)


ភ្នំពេញ ៖ ស្របពេលដែលការនាំចេញអង្កររបស់កម្ពុជានៅរយៈពេល ៥ខែដើមឆ្នាំនេះ បន្តថយចុះដែលធ្វើឲ្យអ្នកនាំចេញអង្ករសម្តែងការបារម្ភផងដែរ ហើយបានស្នើ ​សុំឲ្យរដ្ឋាភិបាលជួយអន្តរាគមន៍និងបង្កើតស្ថាប័នជំនាញមួយទទួលបន្ទុក ដោះស្រាយវិស័យស្រូវអង្ករនេះ។

លោក សុង សារ៉ន អគ្គនាយកក្រុមហ៊ុនអេមរុរាយខូអិលធីឌី បានថ្លែងបញ្ជាក់ប្រាប់ថា ក្នុងរយៈពេលពីរឆ្នាំចុងក្រោយនេះ វិស័យស្រូវអង្ករកម្ពុជា មានសញ្ញាមិនល្អច្រើនហើយការអន្តរាគមន៍របស់រដ្ឋាភិបាល ក្រៅប្រទេស ដែលគេជួយវិស័យស្រូវអង្ករគេបានជះឥទ្ធិពលយ៉ាងខ្លាំងដល់ប្រទេសកម្ពុជា ជាពិសេសនោះប្រទេសថៃ និងប្រទេសវៀតណាម ធ្វើឲ្យស្រូវ អង្ករចុះថោកខ្លាំងមែនទែន។

លោក បានបន្តថា ប្រទេសកម្ពុជា យើងរងផលប៉ះពាល់ពីគេនៅពេលដែលប្រទេសថៃធ្វើស្រូវខ្ពស់ដែរ ហើយទម្លាក់តម្លៃចុះវិញ។ ដូច្នោះរយៈពេល ៣ឬ៤ខែខាងមុខទៀតក៏នៅតែមានភាពអាប់អួ បែបនេះ សម្រាប់វិស័យស្រូវអង្ករកម្ពុជា រហូត ដល់ខែ៩ និងខែ១០ឆ្នាំ២០១៦នេះ ដោយសារតែយើងមានស្រូវថ្មីដល់នឹងមានឱកាសស្រោចស្រង់ស្ថានការនេះកុំឲ្យធ្លាក់ចុះ។


លោក មានប្រសាសន៍បញ្ជាក់ថា «ដើម្បីស្រោចស្រង់បញ្ហានេះ សូមឲ្យរដ្ឋាភិបាលបង្កើតស្ថាប័នមួយដែលទទួលខុសត្រូវដោយផ្ទាល់លើវិស័យស្រូវអង្ករនេះ កាត់បន្ថយធ្វើគោលនយោបាយ និងគាំទ្រឲ្យចំចំណុចដែលខ្វះខាតជួយបន្ទាន់ ដើម្បីគាំទ្រនៅពេលស្រូវអង្ករជួបបញ្ហាដូច្នោះ»

ចំពោះ លោក ហ៊ាន វណ្ណហន ប្រធានច្រកចេញចូលតែមួយសម្រាប់បំពេញបែបបទនាំអង្ករចេញបាន លើកឡើងថា ការថយចុះនៃការនាំចេញនេះមានតែវិស័យឯកជនទេ ដែលជាអ្នកដឹងច្បាស់ តើមានបញ្ហាអ្វីខ្លះដែលពូកគាត់កំពុងតែប្រឈម ប៉ុន្តែយើងសម្លឹងមើលទៅលើទិដ្ឋភាពនៃការថយចុះនោះគឺបញ្ហាចម្បងរោងម៉ាស៊ីនអត់មានអង្ករកិន។

លោក បានបន្តទៀតថា ស្រូវរដូវវស្សាឆ្នាំមុនដែលស្តុករោងម៉ាស៊ីនស្ទើរតែអស់ដូច្នោះឥឡូវជិតដល់ពេលដើមវស្សាឆ្នាំថ្មីទៀត ហើយរោងម៉ាស៊ីនកិនស្រូវមិនមានទុនគ្រប់ ​ដែលវិស័យឯកជនបានស្នើមករាជរដ្ឋាភិបាលឲ្យមានប្រាក់កម្ចីសម្រាប់ជួយពួកគាត់។

លោក បានបន្ថែមថា«យន្តការដែលល្អយើងគួរតែមកអង្គុយជុំគ្នារកគន្លឹះដោះស្រាយជាមួយអ្នកពាក់ព័ន្ធ ហើយកន្លងមករាជ រដ្ឋាភិបាលបានកាត់ចោលអត្រាពន្ធមួយចំនួនដល់​ការដឹកជញ្ជូន ហើយបញ្ហាធ្លាក់ចុះនេះជាសញ្ញាមិនល្អកើតមានតាំងពីខែ៣មកម្ល៉ោះ ដែលយើងគួរតែយកយន្តការដែលមានស្រាប់មកដោះស្រាយគឺក្រុមការងារស្រូវអង្ករអង្គុយ និងអ្នកពាក់ព័ន្ធមកអង្គុយលើតុចរាចរ គ្នារកដំណោះស្រាយតែម្តងទើបល្អ»

សម្រាប់រយៈពេល៥ខែដើមឆ្នាំ២០១៦នេះ ការនាំចេញអង្កររបស់កម្ពុជាទៅក្រៅប្រទេសបានចំនួន ២៣៤ពាន់ ៣២៨តោន ធៀបនិងរយៈដូចគ្នាកាលពីឆ្នាំមុនមានចំនួន ២៤៣ពាន់ ០២៥តោន  ថយចុះ៣,%

ទាក់ទង និងបញ្ហានេះ មន្ត្រីក្រសួងកសិកម្ម និងអ្នកនាំចេញអង្ករបានជម្រុញឲ្យភាគីពាក់ព័ន្ធនិងវិស័យស្រូវអង្ករត្រូវជួបពិភាក្សាគ្នាជាបន្ទាន់ ដោយរកយន្តការដោះស្រាយ ឲ្យទាន់ ពេល វេលាមុនរដូវប្រមូលផលឆ្នាំថ្មីចូលមកដល់ ហើយអ្វីដែលពិសេសនោះរដ្ឋាភិបាលគួរតែបង្កើតស្ថាប័នជំនាញ មួយទទួលខុសត្រូវវិស័យស្រូវអង្ករឲ្យបានច្បាស់ លាស់ផងដែរ​៕

ដកស្រង់ ៖ គេហទំព័របាយ័ន​

 


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ