ជនប្រព្រឹត្តបទល្មើសនេសាទ១៦នាក់ រួមទាំងឧបករណ៍ខុសច្បាប់ មួយចំនួនធំ ត្រូវបានឃាត់ខ្លួនយកមកសួរនាំ
សៀមរាប ៖ កម្លាំងសមត្ថកិច្ចចម្រុះ ចុះបង្ក្រាបបទល្មើសនេសាទ ឃាត់ខ្លួនអ្នកប្រព្រឹត្ដ បទល្មើសនេសាទដោយខុសច្បាប់ ប្រុស/ស្រីចំនួន១៦នាក់ ដកហូតបានវត្ថុតាង រួមមាន ៖ កាណូតធ្វើចំនួន១១គ្រឿង និងឧបករណ៍នេសាទខុសច្បាប់ សាច់ស៊ីប ចំនួន១១គ្រឿង ព្រមទាំងដងស៊ីបចំនួន ១១គូរ ស្មើនិង២២ដង រួចហើយ បញ្ជូនមកកាន់ទីបញ្ជាការកងរាជអាវុធហត្ថ ខេត្ត ដើម្បីសួរនាំបន្ត។
ប្រតិបត្តិការនេះ បានធ្វើឡើង កាលពីវេលាម៉ោង ១១យប់ ក្នុងថ្ងៃទី២០ ខែមិថុនា ឆ្នាំ២០១៦ មកទល់ព្រឹកក្នុងថ្ងៃទី២១ ខែមិថុនាឆ្នាំ២០១៦ នៅចំណុចរាំងឆ័ត្រ ស្ថិតនូវក្នុងឃុំកំពុងឃ្លាំង ក្នុងស្រុកសូទ្រនិគម ខេត្តសៀមរាប ដោយកម្លាំងអាវុធហត្ថខេត្ត សហការជាមួយកម្លាំង ខណ្ឌរដ្ឋបាលជលផលសៀមរាប ។
អាវុធហត្ថខេត្ត បាន បញ្ជក់ថា ការប្រតិបត្តិការ បានធ្វើទ្បើងបន្ទាប់ពីធ្វើការត្រួតពិនិត្យ នៃបទល្មើសដែលជនសង្ស័យ បានប្រកបមុខរបរខុសច្បាប់នេសាទ នៅក្នុងរដូវហាមឃាត់ ហើយដោយមានការសហការជាមួយខណ្ឌរដ្ឋបាលជលផលសៀមរាប ដែលមានចំណុចរាំងឆ័ត្រ ព្រំប្រទល់ កំពុង ភ្លក់ជាប់ និងកំពុងឃ្លាំង ស្ថិតនូវក្នុងស្រុកសូទ្រនិគម នៃខេត្តសៀមរាប ហើយនិងឈានដល់ធ្វើការចាប់ខ្លួន បានចំនួន១៦នាក់ កាណូតចំនួន១១គ្រឿង និងឧបករណ៍ នេសាទខុសច្បាប់ សាច់ស៊ីប ចំនួន១១គ្រឿង ព្រមទាំងដងស៊ីប ចំនួន២២ដង យកមករក្សាទុក ដើម្បីធ្វើការដុតកំទេច ចោល ។
ជនសង្ស័យទាំង១៦នាក់ ត្រូវបានសមត្ថកិច្ចជលផលកំពុងធ្វើការសួរនាំនៅក្នុងទីបញ្ជាការកងរាជអាវុធហត្ថនៅទ្បើយ ដើម្បីចាត់ការទៅតាមនីតិវិធីច្បាប់ជលផលបន្ត។ ទោះបីជាសមត្ថកិច្ចបានធ្វើការបង្ក្រាបយ៉ាងណាក៏ដោយ ក៏គេនៅសង្កេតឃើញបទល្មើសជលផលហាក់បីដូចជាកើតព្រោងព្រាតនូវទ្បើយ៕
![]()
![]()
![]()
![]()
![]()