ជនល្មើសពាក់ព័ន្ធគ្រឿងញៀន២នាក់ត្រូវសមត្ថកិច្ចឃាត់ខ្លួន
កណ្តាល ៖ សមត្ថកិច្ច ស្រុកកោះធំ ចុះបង្ក្រាបបទល្មើសជួញដូរគ្រឿងញៀន ឃាត់ខ្លួនជនសង្ស័យ២នាក់ កាលពីថ្ងៃទី ១៩ មិថុនា ២០១៦ នៅចំណុចលើផ្លូវជាតិលេខ២១ ភូមិកំពុងស្វាយ លើ ឃុំព្រែកថ្មី ស្រុកកោះធំ ខេត្តកណ្ដាល។
សមត្ថកិច្ច បានឲ្យដឹងថា ជនសង្ស័យ ០២ នាក់ដែលត្រូវឃាត់ខ្លួន ទី១. ឈ្មោះ ស្រូយ ភក្ត្រា ប្រុស អាយុ ១៨ ឆ្នាំ ជនជាតិខ្មែរ មានទីលំនៅ ភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្ដាល មុខរបរមិនពិតប្រាកដ ។ទី២. ឈ្មោះ ឈុន តុលា(ហៅខ្លា) ភេទប្រុស អាយុ២២ឆ្នាំ ជនជាតិខ្មែរ ទីលំនៅភូមិកំពង់ស្វាយក្រោម ឃុំ ព្រែកថ្មី ស្រុកកោះធំ ខេត្តកណ្តាល មុខរបរ មិនពិតប្រាកដ ។
សមត្ថកិច្ច ដកហូត វត្ថុតាង មានម្សៅក្រាមពណ៌សថ្លា សង្ស័យជាសារធាតុញៀនខុសច្បាប់ (ហៅម៉ាទឹកកក) ចំនួន ០១ កញ្ចប់តំលៃ៩ម៉ឺនរៀល ,ទូរសព្ទ័ដៃ អិនចុចពិល០២គ្រឿង ដែកកេះ០១ កាបូបដៃ០១ , ម៉ូតូម៉ាកហុងដា សេ៩០ជ្រុង ពណ៌ទឹកប៊ិចចំនួន០១គ្រឿង ។
បច្ចុប្បន្ន ជនសង្ស័យ ត្រូវបានកម្លាំងជំនាញនគរបាលស្រុក នាំមកកាន់អធិការដ្ឋាន ដើម្បី សាកសួរ និង កសាងសំណុំរឿងតាមនីតិវិធីច្បាប់ ៕
![]()
![]()
![]()
![]()
![]()