បុរសម្នាក់ ជិះម៉ូតូលឿន ធ្លាក់ជង្ហុក ដួលបោកនឹងថ្នាល់រងរបួសធ្ងន់
ភ្នំពេញ ៖ បុរសម្នាក់ ជិះម៉ូតូធំ ម៉ាក FZ មួយគ្រឿង ក្នុងល្បឿនលឿន ធ្លាក់ជង្ហុក ដួល បែកក្បាល រងរបួសធ្ងន់ ត្រូវបានគេដឹកបញ្ចូនទៅកាន់មន្ទីរពេទ្យភ្លាម ៗ ដើម្បីជួយសង្គ្រោះ។ ហេតុការណ៍នេះ បានកើតឡើងកាលពីវេលាម៉ោង ៩និង៤០នាទីយប់ថ្ងៃទី ១៩ ខែមិថុនាឆ្នាំ ២០១៦ នៅមុខស្ថានីយប្រេងកាល់តិចក្នុង ភូមិអូរដឹម សង្កាត់ចោមចៅ ខណ្ឌពោធិសែនជ័យ ។
ជនរងគ្រោះឈ្មោះញ៉ឹល ស៊ីដេត ភេទប្រុសអាយុ ២០ឆ្នាំ មានទីលំនៅ ភូមិតេជោ អង្កាញ់ ឃុំតេជោអភិវឌ្ឍន៍ ស្រុកឈូក ខេត្តកំពត ។
ប្រភពពីកន្លែងកើតហេតុ បានឲ្យដឹងថា នៅមុនពេលកើតហេតុគេឃើញជនរងគ្រោះ ជិះម៉ូតូម៉ាក FZ ពណ៌ក្រហម ពាក់ស្លាកលេខ ភ្នំពេញ 1BV-8090 ធ្វើដំណើរក្នុងទិសដៅពីកើតទៅលិច តាមបណ្តោយផ្លូវជាតិលេខ៤ លុះមកដល់ចំណុចកើតហេតុ ជាកន្លែងជង្ហុកទឹកលិច លុបបាត់ ចិញ្ចើមផ្លូវ មើលមិនដឹង ហើយជនរងគ្រោះជិះលឿនទៀតនោះ ទើបបណ្តាលអោយជ្រុលធ្លាក់ជង្ហុក ដួលពីរទៅបីត្រឡប់បែកមុខបែកមាត់ សន្លប់ស្តូកស្តឹង នៅនឹងកន្លែងកើតហេតុ។
ក្រោយពេលកើតហេតុ ជនរងគ្រោះត្រូវបាន ទៅសង្គ្រោះជាបន្ទាន់ នៅមន្ទីរពេទ្យព្រះកុសុមៈ ។ដោយឡែកម៉ូតូជនរងគ្រោះត្រូវបានសមត្ថកិច្ចយកមករក្សាទុកនៅប៉ុស្តិ៍នគរបាលរដ្ឋបាលចោមចៅ ដើម្បីរងចាំម្ចាស់យកឯកសារមកបញ្ជាក់មកយកទៅវិញ ៕
![]()
![]()
![]()
![]()
![]()