យុទ្ធភណ្ឌ មិនទាន់ផ្ទុះចំនួន៥គ្រាប់ ត្រូវបានពលរដ្ឋឃ្វាលគោប្រទះឃើញ
ពោធិ៍សាត់៖ ប្រជាពលរដ្ឋ ប្រទះឃើញគ្រាប់យុទ្ធភណ្ឌមិនទាន់ផ្ទុះ នៅមាត់ព្រៃរនាម ស្ថិតជាប់ខាងត្បូង មាត់បឹងទន្លេសាប រាយការណ៍មកសមត្ថកិច្ច ចុះទៅយកមករក្សាទុក ។
ហេតុការណ៍ ប្រទះឃើញនេះ បានកើតឡើងកាលពីវេលាម៉ោង ២និង៣០នាទី ថ្ងៃទី១៦ ខែមិថុនា ឆ្នាំ២០១៦ ស្ថិតត្រង់ចំនុចម្ដុំខាងជើងបឹងត្រីរៀល ភូមិរបងរមាស ឃុំបឹងបង់កណ្ដោល ស្រុកបាកានខេត្តពោធិ៍សាត់។
នគរបាលមូលដ្ឋាន នៅឃុំបឹងបត់ កណ្ដោល បានឲ្យដឹងថា ប្រជាពលរដ្ឋដែលធ្វើស្រែក្បែរតំបន់មាត់ព្រៃរនាម ជាប់មាត់បឹងទន្លេសាប នឹងដើរឃ្វាលគោក្របី ត្រង់ចំនុចខាងលើ ដែលជាអតីតសមរភូមិ ក្ដៅ ក៏បានប្រទះឃើញគ្រាប់មិនទាន់ផ្ទុះនៅមានគុណភាពក្នុងការបង្ក ឲ្យមនុស្សគ្រោះថ្នាក់ ចំនួន០៥គ្រាប់ ជាប្រភេទគ្រាប់ សេកាសេឡង់ បានរាយការណ៍ ជូនសមត្ថកិច្ច យើងចុះទៅយកមករក្សាទុកឲ្យមន្ត្រីអង្គការសីម៉ាក់តែម្ដង ។
សមត្ថកិច្ច សូមអំពាវនាវ ដល់ពលរដ្ឋ ទាំងអស់ពេលប្រទះឃើញ ត្រូវរាយការណ៍ ជូនសមត្ថកិច្ចនិងអាជ្ញាធរ មូលដ្ឋាន តទៅទៀត នៅពេលដែលលោកអ្នកជួបប្រទះអាវុធ យុទ្ធភណ្ឌ និងគ្រាប់មិនទាន់ផ្ទុះ ដែលសល់ពីសម័យសង្គ្រាម ព្រោះវា មានគ្រោះថ្នាក់ខ្លាំងណាស់នៅពេលដែលលោកអ្នកប៉ះពាល់វាដោយគ្មានជំនាញ៕
![]()
![]()
![]()
![]()
![]()