ថ្ងៃពុធ ទី១៨ ខែកញ្ញា ឆ្នាំ២០៥០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
គោ​សាច់​ របស់ ​​អូស្ត្រាលី​​ ​​​​បាន​មក​ដល់​ទីផ្សារ​កម្ពុជា​ហើយ​ ​ ​
ថ្ងៃទី ១៦ ខែ មិថុនាឆ្នាំ ២០១៦​​ ម៉ោង 23:05 នាទី
ដោយ សម្លេងខ្មែរពិត (ចំនួនអ្នកអាន: 381នាក់)






ភ្នំពេញ ​ ៖ ​គោ ប្រា​ម៉ាន​ របស់​ប្រទេស​អូស្ត្រាលី​  ដែល​ល្បីឈ្មោះ​នៅ​ទូទាំង​ពិភពលោក​បាន​នាំចូល​មកដល់​ប្រទេស​កម្ពុជា ​ហើយ ដើម្បី​ផលិត​សាច់​ចែកចាយ ​នៅ​ទីផ្សារ​កម្ពុជា និង​ប្រទេស ចិន ថៃ វៀតណាម ជប៉ុន និង​ប្រទេស ​មួយ​ចំនួនទៀត។

ថ្លែងប្រាប់ ​ឲ្យ​ដឹង នា​ថ្ងៃ​ទី​១៦ ខែ​មិថុនា ឆ្នាំ​២០១៦​នេះ លោក អ៊ឹម វណ្ណា​រិ​ទ្ធ អ្នកនាំពាក្យ​របស់​ក្រុមហ៊ុន SLN (​អេស អិ​ល អិន សឹ​ប​ផ្លា​យ ភី​ធី​វ៉ា​យ ខូ​អ៊ិ​ល​ធី​ឌី​) ​បាន​ឲ្យ​ដឹង​ថា ក្រុមហ៊ុន​របស់​លោក គឺជា​ក្រុមហ៊ុន​ដំបូង​គេ និង​ធំ​បំផុត​នៅ​ប្រទេស​កម្ពុជា ក៏ដូចជា​អាស៊ាន​ទាំងមូល ដែល​បាន​នាំ​គោ​ប្រា​ម៉ាន់ ​ពី​ប្រទេស​អូស្ត្រាលី ​ដើម្បី​ផលិត​ចេញ​ជា​សាច់​ សម្រាប់​ចែកចាយ​នៅ​ទីផ្សារ​កម្ពុជា​និង​ទីផ្សារ​អន្តរជាតិ។

លោក ​បន្តថា គោ​ប្រា​ម៉ាន់​ ចំនួន​២៧៦៦​ក្បាល​នឹង​នាំ​មកដល់​ប្រទេស​កម្ពុជា ជា​លើកដំបូង​នា​ថ្ងៃទី​១៧ ខែ មិថុនា នេះ ហើយ​នឹង​ចាប់ផ្តើម​ផលិត​ចេញ​ជា​សាច់​ក្រោយ​រយៈពេល​បី​ថ្ងៃ​បន្ទាប់ពី​នាំចូល ​ ដើម្បី​ចែក​ទៅតាម​ដេប៉ូ​កម្ពុជា​ទូទាំងប្រទេស។ តែ​យ៉ាងណាក្តី​លោក​រំពឹងថា ​ការនាំ​ចូល​គោ​ប្រភេទ​នេះ ដើម្បី​ផលិត​ជា​សាច់​នេះ ​នឹង​ទទួល​បាន​ជោគជ័យ ​ដោយសារតែ​សាច់គោ​នេះ គឺ​ផលិត​នៅ​រោងចក្រ​នៅ​កម្ពុជា​តែម្តង​ដោយ​មិន​ចាំបាច់​ក្លាសេ​នោះទេ។​

លោកថា «នៅថ្ងៃទី២០មិថុនាខាងមុខនេះ ក្រុមហ៊ុនរបស់លោក​ នឹង ចាប់ផ្តើមផលិត ក្នុងមួយ​ថ្ងៃ២០០ក្បាល  សម្រាប់​ចែកចាយ នៅទីផ្សារកម្ពុជា។​ លោក ថ្លែង​ទៀតថា ​តម្លៃ​ដែល​លក់​នៅ​ទីផ្សារ​កម្ពុជា គឺថោក ​ជាងសាច់​គោអូស្ត្រាលី​ ដែល​ខ្មែរ​យើង​នាំចូលកន្លង​មក​»។ តែយ៉ាងណាក្តី លោកមិន​ បានបញ្ជាក់ថា ​ក្នុងមួយគីឡូង​តម្លៃ​ប៉ុន្មាន​នោះទេ។

ក្រុមហ៊ុនអេស អិល អិន សឹបផ្លាយ ភីធីវ៉ាយ ខូអ៊ិលធីឌី គឺជាក្រុម​ហ៊ុនធំ​ ជាង​គេនៅ​អាស៊ាននេះ សម្រាប់​ ផលិតសាច់គោអូស្ត្រាលី ​ដែល​បានវិនិយោគ​សាង​សង់​រោង​ចក្រតម្លៃ​ជាង ៣០លាន ដុល្លារអាមេរិក។ ​រោងចក្រនេះ ​គឺស្ថិតនៅភូមិព្រែកទាល ​ឃុំ ទឹកថ្លា ស្រុកព្រៃនប់ ខេត្តព្រះសីហនុ៕

 


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ