ថ្ងៃច័ន្ទ ទី២៥ ខែកញ្ញា ឆ្នាំ២០១៧ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
អាមេរិក ចោទ រុស្ស៊ី ថាកំពុងវាយលុកតាមប្រព័ន្ធអ៊ីនធឺណែត ដើម្បីបង្កជាការរាំងស្ទះ ដល់ការបោះឆ្នោតប្រធានាធិបតី
ថ្ងៃសៅរ៍ ទី០៨ ខែតុលា ឆ្នាំ២០១៦
ដោយ សម្លេងខ្មែរពិត (ចំនួនអ្នកអាន: 153នាក់)


(វ៉ាស៊ីនតោន)៖ មន្រ្តីអាមេរិកមួយរូបបានធ្វើការចោទប្រកាន់ រដ្ឋាភិបាលរុស្ស៊ីថា បានដឹកនាំការ វាយប្រហារតាមប្រព័ន្ធអ៊ីនធឺណែត ក្នុងគោលបំណងបន្ទុចបង្អាក់ដំណើរការ នៃការបោះឆ្នោតជ្រើសរើស ប្រធានាធិបតីរបស់សហរដ្ឋអាមេរិក ដែលនឹងប្រព្រឹត្តទៅ នាខែវិច្ឆិកាខាងមុខនេះ។ នេះបើតាមការ ចេញផ្សាយដោយសារព័ត៌មាន Channel News Asia នាព្រឹកថ្ងៃសៅរ៍ ទី០៨ ខែតុលា ឆ្នាំ២០១៦។

ការថ្លែងចោទប្រកាន់ខាងលើត្រូវបានធ្វើឡើង បន្ទាប់ពីទំនាក់ទំនងរវាង អាមេរិក និង រុស្ស៊ី មានការប្រេះស្រាំ ដោយសារតែមិនអាចបញ្ចប់អំពើហិង្សា នៅក្នុងប្រទេសស៊ីរីបាន។ ជាមួយគ្នានេះដែរ វាគឺការចោទប្រកាន់ជាផ្លូវការមួយរបស់ទីក្រុងវ៉ាស៊ីនតោន មកលើទីក្រុងមូស្គូ នៅក្នុងជម្លោះនៃការ វាយប្រហារតាមប្រព័ន្ធអ៊ីនធឺណែត ខណៈអ្នកវិភាគជាច្រើនបានអះអាងថា ការ Hack នេះ ទំនងពិតជាត្រូវបានធ្វើឡើងដោយ រុស្ស៊ី ប្រាកដមែន។

ជាមួយគ្នានេះដែរ មន្រ្តីរដ្ឋបាលអាមេរិកបានបញ្ជាក់ឲ្យដឹងថា ទីក្រុងវ៉ាស៊ីនតោន នឹងធ្វើការឆ្លើយតប ទៅរុស្ស៊ីវិញចំពោះការវាយប្រហារនេះ ប៉ុន្តែអាមេរិកមិនបានផ្តលព័ត៌មានលម្អិតអ្វីនោះទេ ដោយបាន ត្រឹមថ្លែងយ៉ាងខ្លីថា «យើងនឹងធ្វើសកម្មភាពដើម្បីការពារ ផលប្រយោជន៍របស់ពួកយើង ដោយរួមបញ្ចូល ប្រព័ន្ធទាក់ទងលើបណ្តាញអ៊ីនធឺណែតផងដែរ ហើយយើងនឹងធ្វើយ៉ាងដូច្នោះ នៅតាមពេលវេលា និងកន្លែងដែលយើងជ្រើសរើស»

គួរបញ្ជាក់ថា អាមេរិកធ្លាប់បានអះអាងថា រាល់ការវាយប្រហារតាមប្រព័ន្ធ​អ៊ីនធឺណែតមកលើគ្រិះស្ថាន​សំខាន់ៗរបស់ខ្លួន នឹងប្រទេសដែលប្រព្រឹត្តនោះនឹងទទួលបានទៅវិញ នៅក្នុងទម្រង់ជាការដាក់​ទណ្ឌកម្មផ្នែកការទូតឬសេដ្ឋកិច្ច ឬមួយក៏អាចទទួលរង​ការវាយប្រហារ តាមរយៈប្រព័ន្ធអ៊ីនធឺណែត​តបតទៅវិញ​ផងដែរ៕


ព័ត៌មានគួរចាប់អារម្មណ៍

បែកធ្លាយថា លោក អ៊ុក សុផល នាយក​ទីចាត់ការ​ហិរញ្ញវត្ថុ បង្ក​ព្យុះភ្លៀង​ពេញ​សាលា​រាជធានី​ភ្នំពេញ​...! (សម្លេងខ្មែរពិត)

ព័ត៌មានគួរចាប់អារម្មណ៍

ប្រជាពលរដ្ឋរិះច្រក​ប៉ោយប៉ែត រិះគន់លោក ស៊ីម សំអាត មេ​ប៉ូលិស​អន្តោប្រវេសន៍ និង សៅ ប៊ុន​រិទ្ធ ស្អុយរលួយដូចតែគ្នា (សម្លេងខ្មែរពិត)

ព័ត៌មានគួរចាប់អារម្មណ៍

លោកគង់ ក្រឹង ល្បីបានងារជាឯកឧត្តម ខិតខំជំរុញប្រជាពលរដ្ឋបោះបង់មុខរបស់ត្រឹមត្រូវ មករកស៊ីកាប់ឈើដឹកអោយគាត់ (សម្លេងខ្មែរពិត)

ព័ត៌មានគួរចាប់អារម្មណ៍

លោក ​ហ៊ុន ជា ឧកញ៉ា​មហា​ខ្លាំង​ដឹកឈើ​គ្មាន​ច្បាប់​តាម​ច្រកទ្វារ​អន្តរជាតិ​អូរយ៉ាដាវ​ (សម្លេងខ្មែរពិត)

ព័ត៌មានគួរចាប់អារម្មណ៍

លោក នួន ប៉ុក ឡើង​ជា​ប្រធាន​មន្ទីរ​បាន​៤​ខែ ដក​មន្ត្រី​គ្មាន​កំហុស​អាច​ជា​អំពើពុករលួយ និង​បក្ខពួក​និយម​ (សម្លេងខ្មែរពិត)

វីដែអូ