មន្រ្តីគយវៀតណាមចាប់បានភ្លុកដំរី និងស្បែកសត្វពង្រូលអាហ្រ្វិក ដែលមានតម្លៃរាប់សិបលានដុល្លារ នៅទីក្រុងហូជីមិញ
(ហូជីមិញ)៖ អាជ្ញាធរវៀតណាមបានឲ្យដឹងនៅថ្ងៃសៅរ៍នេះថា កំពង់ផែមួយនៅក្នុងទីក្រុងហូជីមិញ នៅតែចាប់បានភ្លុកដំរីរាប់រយដើមដែលត្រូវបានលាក់នៅក្នុងឈើហុប ជាបន្តបន្ទាប់ទៀត។ នេះបើតាម ការចេញផ្សាយដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃសៅរ៍ ទី២២ ខែតុលា ឆ្នាំ២០១៦។
នៅពេលដែលកាត់ឈើហុបជាពីរកំណាត់ នៅឯកំពង់ផែ Cat Lai ក្នុងសង្កាត់លេខ២ ដើម្បីត្រួតពិនិត្យ មន្រ្តីគយនៃប្រទេសវៀតណាមបានរកឃើញភ្លុកដំរី និងស្បែកសត្វពង្រូលជាច្រើន ត្រូវបានគេបង្កប់នៅជាប់នឹងឈើទាំងអស់នោះ ដែលរបស់ទាំងអស់នេះ ត្រូវបានគេដឹកនាំចូលយកមកពីទ្វីបអាហ្រ្វិក និងមានតម្លៃរាប់លានដុល្លារឯណោះ។
គួរបញ្ជាក់ដែរថាកាលពីថ្ងៃទី០៧ ខែតុលា ឆ្នាំ២០១៦ កន្លងទៅនេះមន្រ្តីគយវៀតណាមក៏បានរកឃើញ ភ្លុកដំរីអាហ្វ្រិកទម្ងន់ជាងពីរតោន ដែលមានតម្លៃរហូតដល់ទៅរាប់សិបលានដុល្លារអាមេរិក នៅក្នុងឈើហុបផងដែរ ហើយមកដល់ពេលនេះសមត្ថកិច្ចនៃប្រទេសវៀតណាម មិនទាន់បានវែកមុខរកឃើញពួកឈ្មួញងងឹត ដែលលួចនាំចូលភ្លុកដំរីទាំងអស់នេះនៅឡើយទេ ដោយសារតែឈ្មោះក្រុមហ៊ុនដែលជាអ្នកនាំចូលមកនោះ គឺក្លែងក្លាយ៕
![]()
![]()
![]()
![]()
![]()